රාජපක්ෂ පවුලේ බල දේශපාලනය අනුව ශෂීන්ද්‍ර රාජපක්ෂට රාජ්‍ය අමාත්‍ය ධුරයක් ලැබුණු අයුරින්ම නාමල් රාජපක්ෂට ඉදිරියේදී අනිවාර්යයෙන්ම කැබිනට් අමාත්‍ය ධුරයක් හිමිවන බව උ. ල. සභාගයේ නායක, පාර්ලිමේන්තු මන්ත්‍රී විමල් වීරවංශ පවසනවා.
ඒ, ඊයේ (09) පැවති උ. ල. සභාගයේ මාධ්‍ය හමුවක් අමතමින්.
මෙහිදී වැඩිදුරටත් අදහස් දැක්වූ පාර්ලිමේන්තු මන්ත්‍රී විමල් වීරවංශ,
“මිනිස්සු මේ ඇතිවෙච්ච පීඩනයත් එක්ක ඉතාම දරුණෙ ලෙස රාජපක්ෂ පවුල් දේශපාලනය පිළිකුලෙන් ප්‍රතික්ෂේප කළා. නමුත් අද රාජ්‍ය ඇමතිවරුන් අතරට ශෂීන්ද්‍ර රාජපක්ෂ දාලා තියෙනවා. මම දන්න රාජපක්ෂ පවුලේ බල දේශපාලනයට අනුව ශෂීන්ද්‍ර රාජපක්ෂට රාජපක්ෂට රාජ්‍ය ඇමතිකමක් දෙනවා නම් නාමල් රාජපක්ෂට අනිවාර්යයෙන්ම කැබිනට් ඇමතිකමක් දෙනවා. මොකද ඒක තමයි ඕකෙ සූත්‍රය. දැන් මේගොල්ලො මේ ඒ ටික බෙදාහදාගෙන ආයෙ අර පරණ සෙල්ලම නේද මේ කරන්න යන්නෙ ? ඕකෙ ඉන්න සමහරුන්ට මේ ඇමති කට්ටක් නැතුව හුස්ම ගන්න බෑ”
