2019 වසරේදී තංගල්ල කාල්ටන් නිවසේ පැවැති නාමල් රාජපක්ෂ මහතාගෙ විවාහ උත්සවය වෙනුවෙන් විදුලි බල මණ්ඩලයට ගෙවීමට ඇති රුපියල් ලක්ෂ 26කට අධික විදුලි බිල මෙතෙක් ගෙවා නැති බවට තොරතුරු වාර්තා වනවා.
ජාතික ජන බලවේගය පක්ෂයේ විධායක සභික නලින් හේවගේ මහතා විසින් තොරතුරු පනත යටතේ ලබා ගත් තොරතුරු අනුව මෙම කරුණු හෙළිව තිබෙනවා.
ඒ අනුව අදාළ තොරතුරු ඉල්ලීමට ප්‍රතිචාර දක්වමින් ලංකා විදුලිබල මණ්ඩලයේ නියෝජ්‍ය සාමාන්‍යාධිකාරී වී. වී. ජනෙත් මහතා සදහන් කර ඇත්තේ 2019 වසරේ සැප්තැම්බර් මස 12 වැනිදා සිට සැප්තැම්බර් මස 15 වැනිදා දක්වා වීරකැටිය නිවසේ පැවති උත්සවයට අදාළව මෙම විදුලිබිල පැමිණ ඇති බවයි.
අදාළ උත්සවයට තාවකාලික ආරක්ෂක පහන් සවිකිරීම සහ ජනය යන්ත්‍ර සැපයීම වෙනුවෙන් රුපියල් 2,682,246.57 ක මුදලක් ගෙවීමට ඇතත් එය මේ වන තෙක් ගෙවා නොමැති බවත් තොරතුරු ලිපියේ සදහන් වනවා.
