පෘථිවියේ සිට ආලෝක වර්ෂ බිලියන 3කට ආසන්න දුරකින් වෙනත් මන්දාකිනියකින් ලැබෙන බවට සැකකෙරෙන රේඩියෝ සංඥාව සම්බන්ධයෙන් විද්‍යාඥයන් මත පළ කිරීමත් සමග, හඳුනා නොගත් අභ්‍යවකාශ සංසිද්ධීන් පිළිබඳ නිරීක්ෂණය සඳහා කණ්ඩායමක් පත් කරන බව නාසා ආයතනය ප්‍රකාශ කර තිබෙනවා.
අදාළ සංඥාව අඛන්ඩව එකම ආකාරයෙන් ලැබෙන බවයි එය හඳුනාගත් විද්‍යාඥයන් ප්‍රකාශ කර තිබුණේ.
එක්සත් ජනපද අභ්‍යවකාශ ඒජන්සිය පැවසුවේ පවතින දත්ත හඳුනා ගැනීම, අනාගත දත්ත රැස් කිරීමට සහ ගැටලුව පිළිබඳ විද්‍යාත්මක අවබෝධය දියුණු කිරීම සඳහා එම තොරතුරු භාවිතා කළ හැකි ආකාරය පිළිබඳව අවධානය යොමු කරන බවයි.
මෙම කණ්ඩායමට නායකත්වය දීමට ප්‍රින්ස්ටන් විශ්ව විද්‍යාලයේ තාරකා භෞතික විද්‍යා අංශයේ ප්‍රධානියා වූ ඩේවිඩ් ස්පර්ගල් සහ අධ්‍යයනය සංවිධානය කිරීම සඳහා NASA හි විද්‍යා දූත මණ්ඩල අධ්‍යක්ෂ මණ්ඩලයේ ජ්‍යෙෂ්ඨ පර්යේෂකයෙකු වන Daniel Evans නම්කර තිබෙනවා.
