මෝඩාභිමානය ” නමැති ප්‍රහසන වැඩසටහනකදී බෞද්ධාගමට අපහාස්‍ර වන අයුරින් අදහස් දැක්වීමේ චෝදනා මත රක්ෂිත බන්ධනාගාර ගත කර සිටින නතාෂා එදිරිසූරියට එරෙහි නඩුව කොළඹ කොටුව මහේස්ත්‍රත් අධිකරණයේදී අද (05) පෙරවරුවේ විභාගයට ගැණුනා.
එහිදී මහේස්ත්‍රාත් තිළිණ ගමගේ මහතා නියෝග කළේ ලබන 19 වැනිදා දක්වා ඇයව තවදුරටත් රක්ෂිත බන්ධනාගාර ගත කරන ලෙසයි.
සැකකාරියට එරෙහිව දේශපාලන හා සිවිල් අයිතිවාසිකම් පිළිබඳ සම්මුති පනත යටතේ චෝදනා ගොනුකර ඇති බව කියමින් ඇය වෙනුවෙන් කරුණු දක්වමින් ජනාධිපති නීතිඥ ශවෙන්ද්‍ර ප්‍රනාන්දු මහතා ඇතුළු නීතිඥ මඩුල්ලක් සිදුකළ ඇප ඉල්ලීම ප්‍රතික්ෂේප කරමින් මහේස්ත්‍රාත් වරයා මෙම නියෝගය නිකුත් කළා.
මෙම සිද්ධිය සම්බන්ධයෙන් විමර්ශන සිදු කර ඉදිරි දින අධිකරණයට වාර්තා කරන ලෙස මහේස්ත්‍රාත්වරයා අපරාධ පරීක්ෂණ දෙපාර්තමේන්තුවට නියෝග කළා.
එමෙන්ම ඇයට එරෙහිව සිවිල් හා දේශපාලන අයිතිවාසිකම් පිළිබදව ජාත්‍යන්තර සම්මුති පනත (ICCPR) යටතේ ගැනෙන චෝදනා සම්බන්ධයෙන් වන නඩුව අද දහවල් කොළඹ අංක 04 මහාධිකරණයේදී විභාගයට ගැණුනා.
එහිදී මහාධිකරණය නියෝග කළේ ඇයට ඇප ලබාදීමටයි.
ඇය වෙනුවෙන් ඉදිරිපත් කළ ඇප පෙත්සමක් සලකා බැලීමෙන් අනතුරුව කොළඹ මහාධිකරණය විනිසුරු ආදිත්‍ය පටබැඳිගේ මහතා මෙම නියෝගය නිකුත් කළා.
එම ඇප ඉල්ලීමට විරුද්ධ නොවන බවට නීතිපතිවරයා වෙනුවෙන් පෙනී සිටි නියෝජ්‍ය සොලිසිටර් ජනරාල් දිලීප පීරිස් මහතා කල දැනුම්දීමෙන් පසුව විනිසුරුවරයා ඇප නියෝගය ප්‍රකාශයට පත් කළා.
ඒ අනුව ඇය රුපියල් ලක්ෂයක ශරීර ඇපයක් මත මුදාහැරීමට විනිසුරු ආදිත්‍ය පටබැදිගේ මහතා නියම කළා.
