ඉස්ලාම් බැතිමතුන්ගේ රාමසාන් උපවාස මාසය නිමිත්තෙන් පවත්වනු ලබන ජාතික ඉෆ්තාර් උත්සවය ජනපති රනිල් වික්‍රමසිංහ මහතාගේ සහ අගමැති දිනේෂ් ගුණවර්ධන මහතාගේ ප්‍රධානත්වයෙන් ඊයේ (18) පස්වරුවේ අරලියගහ මැදුරේදී පැවැත්වුණා.
මෙම අවස්ථාවේදී දිනේෂ් ගුණවර්ධන මහතා ප්‍රකාශ කළේ ජාතික සමගිය ඇති කිරීම වෙනුවෙන් ඉස්ලාම් බැතිමතුන් පසුගිය දශක ගණනාවක සිට දායකත්වය ලබා දී ඇති බවයි.
ආනාගතයේද සමෘද්ධිමත් ලංකාවක් ගොඩනැගීම සඳහා තම දායකත්වය ලබා දෙන මෙන් එහිදී අග්‍රාමාත්‍යවරයා ඉස්ලාම් ජනතාවගෙන් ඉල්ලීමක් කර තිබෙනවා.
මෙහිදී අග්‍රාමාත්‍යවරයා පෙන්වාදී තිබෙන්නේ රාමසාන් කාලය ඉස්ලාම් ජනතාවගේ ආධ්‍යාත්මික ශක්තිය සහ සහජීවනය වර්ධනය කිරීමට ඉවහල් වන බවයි.
ආගමික දේශණයන් පැවැත්වීමට පැමිණතිබූ මව්ලවිතුමන්ලාට ජනාධිපතිවරයා සහ අගමැතිවරයා අතින් ත්‍යාග ප්‍රධානයක්ද සිදුව තිබෙන අතර එම අවස්ථාවට පක්ෂ විපක්ෂ දේශපාලනඥයින් සහ රාජ්‍යතාන්ත්‍රිකයින් ද සහභාගී වු බවට වාර්තා වනවා.
