බංග්ලාදේශයේ මගුරා දිස්ත්‍රික්කයේ තිබී සමූහ මිනීවලක් හමු වූ බව එරට මාධ්‍ය වාර්තා කළේය.
ගොඩනැගිල්ලක් ඉදිකිරීම සඳහා පස් හාරමින් සිටි කම්කරුවන් පිරිසකට මිනිස් ඇටකටු, හිස් කබල් හමුවීමෙන් පසු කළ සොයා බැලීමකදී 1971 විමුක්ති යුද්ධයේදී මරා දැමුණු බංග්ලාදේශ ජාතිකයන්ගේ සමූහ මිනීවලක් බව තහවුරු වී තිබේ.
ප්‍රදේශවාසීන් කියා සිටියේ මෙම දේහය 1971 රටේ විමුක්ති යුද්ධයේදී මියගිය සාමාන්‍ය මිනිසුන්ගේ බවයි.
මෙම ප්‍රදේශයේ පාකිස්තාන හමුදා කඳවුරක් පැවැති බව ප්‍රදේශවාසීන් මාධ්‍ය හමුවේ පැවසීය.
සොයා ගනු ලැබූ අස්ථි කොටස් ආගමික වතාවත්වලට අනුව මිහිදන් කරනු ලැබීය.
එම භූමියේ තවත් අස්ථි කොටස් තිබිය හැකි බව විශ්වාස කෙරේ.
