හිරු නාලිකාවේ ප්‍රවෘත්ති නිවේදිකාවකගේ වැඩතහනම්

හිරු ටීවී නාලිකාවේ ප්‍රවෘත්ති නිවේදිකාවක් වැඩ තහනමකට ලක්ව තිබෙනවා.
ඊයේ (26) දිනයේ ආයතනයට පැමිණි ඇයට එහි මානව සම්පත් කළමණාකරණ අංශයෙන් මේ බව දැනුම්දී තිබුණා.
ඊට හේතුව වශයෙන් ඔවුන් දක්වා ඇත්තේ තවත් තරඟකාරී මාධ්‍ය නාලිකාවක ප්‍රවෘත්තියක් ඇයගේ පෞද්ගලික ෆේස්බුක් පිටුවේ ප්‍රසිද්ධ කිරීමයි.
එම ප්‍රවෘත්තිය නම් දැරියකට තම ලිංගික අවයවය පෙන්වූ පුද්ගලයෙක් පිළිබදව පසුගියදා කතාබහට ලක්වූ වීඩියෝවයි.

මීට පෙර අවස්ථාවක හිරු ටීවී ආයතනයේ වේශ නිරූපන අංශයේ සේවය කල තැනැත්තියක්වද අන්තනෝමතික ලෙස සේවයෙන් ඉවත්කර තිබුණා.
ඊට හේතුව පළමු කොවිඩ් රැල්ල ඇතිවූ අවස්ථාවේදී පැවති අනාරක්ෂිත සෞඛ්‍ය ගැටළු හේතුවෙන් ආයතනය තුළ භාවිතා කිරීමට ප්‍රමාණවත් තරම් මුහුණු ආවරණ හා අත් ආවරණ ලබාදෙන ලෙස ඉල්ලීම බවයි ඇය සදහන් කරන්නේ.
මේ ඒ පිළිබදව ඇය තැබූ ෆේස්බුක් සටහනක්.