ජාතික නිදහස් පෙරමුණේ මාතර දිස්ත්‍රික් හිටපු පාර්ලිමේන්තු මන්ත්‍රී නිරෝෂන් ප්‍රේමරත්න හා පොලීසිය අතර අද (16) බහින්බස්වීමක් සිදුවුණා.
දිවයින පුරා සංචාරක සීමා පනවා ඇති හෙයින් මාර්ගයේ ගමන්ගන්නා රථවාහන පරික්ෂාකිරීම සඳහා තලවතුගොඩ නගරයේ යොදවා ඇති පොලිස් මාර්ග බාධකයේදී එක්තරා කුඩා ලොරි රථයක් පොලීසිය විසින් නවත්වා තිබෙනවා.
එහිදී අදාළ ලොරි රථය නැවැත්වීම පිළිබදව රියදුරු සහයකයා විසින් පොලීසියට දෝෂාරෝපණ එල්ල කළා.
එම ස්ථානයේ සිටි මාධ්‍යවේදීන් එම සිදුවීම පටිගත කරන විට උරණ වූ ලොරි රථ සහයකයා පොලීසියට තවදුරටත් බැණවැදී මාධ්‍යවේදීන් අසලට පැමිණ සිය මුව ආවරණය ඉවත්කරමින් පවසා ඇත්තේ “මල්ලි, වීඩියෝ කරන්න එපා මම නිරෝෂන් ප්‍රේමරත්න” යනුවෙනුයි.
කෙසේ වෙතත් සිදුවීම පටිගතකල මාධ්‍යවේදියා ඒ මොහොතේ පවසා ඇත්තේ “හරි ඉතිං ඒක අපිට අදාළ නැහැනෙ” ලෙසයි.
පසුව රියදුරාගේ අදාළ ලියකියවිලි පෙන්වීමෙන් අනතුරුව ලොරි රථය පිටත් කිරීමට පොලීසිය කටයුතු කර තිබුණා.
