ආන්දෝලනයට තුඩුදී තිබෙන පැන්ඩෝරා පත්‍රිකාවල නම සදහන් තිරුකුමාර් නඩේසන් සහ ඔහුගේ බිරිද වන නිරූපමා රාජපක්ෂ මුදල් පමණක් නොව වටිනා චිත්‍ර පවා සොරකම් කර ඇති බවට නීති ප්‍රතිසංස්කරණ ජාතික සභාවේ සාමාජික නීතිඥ ශිරාල් ලක්තිලක මහතා පවසනවා.
ජාත්‍යන්තර වශයෙන් වටිනා ශ්‍රී ලාංකික චිත්‍ර 31 ක් පිළිබදවද පැන්ඩෝරා පත්‍රිකාවල සදහන්ව ඇති බවත් එම චිත්‍ර ස්විට්සර්ලන්තයේ චිත්‍ර සංරක්ෂණය කරන ගබඩාවක් තුළ තැන්පත් කර ඇති බවත් ඔහු පෙන්වා දෙනවා.
මෙම කූඨ ව්‍යාපාර හරහා මේ වන විට ශ්‍රී ලංකාවේ වැදගත් හා වටිනා සංස්කෘතික භාණ්ඩ මෙරටට අහිමිව ඇත්දැයි තවමත් හෙළිවී නැති බව ශිරාල් ලක්තිලක මහතා පවසනවා.
ඔහු වැඩිදුරටත් සදහන් කරන්නේ තිරුකුමාර් නඩේසන් සහ නිරූපමා රාජපක්ෂ හරහා මතුවන මෙම දූෂිත වත්කම් ඉපැයීම් තුළින් මෙරට දූෂිත ආර්ථිකය පිළිබදව මනා පිළිඹිබුවක් දැකගත හැකි බවයි.
එබැවින් වහාම මෙම පුද්ගලයන්ට එරෙහිව නීතිය ක්‍රියාත්මක කළ යුතු බව නීතිඥ ශිරාල් ලක්තිලක මහතා වැඩිදුරටත් පවසනවා.
මෙරට දළ ජාතික නිෂ්පාදනයෙන් 10% ප ප්‍රතිශතයක් වාර්ෂිකව සොරකම් කරන බව මහාචාර්ය ඉන්ද්‍රරත්න මහතා වරෙක පැවසූ දෙය මේ වන විට සත්‍ය වී ඇති බවද ලක්තිලක මහතා මෙහිදී පෙන්වා දුන්නා.
