මේ වන විට බන්ධනාගාර ගතව සිටින ධූරයේ රාජකාරි කිරීම අත්හිටුවා ඇති පොලිස්පති දේශබන්දු තෙන්නකොන්ට එරෙහිව විශ්වාසභංග යෝජනාවක් ගෙන ඒමට ජාතික ජන බලවේගයේ මන්ත්‍රීවරු පියවර ගෙන තිබෙනවා.
අද (25) දහවල් අදාළ විශ්වාසභංග යෝජනාව කථානායකවරයාට භාරදීම සිදු වනු ඇති බවයි වාර්තා වෙන්නේ.
2002 අංක 05 දරන නිලධරයන් ඉවත් කිරීමේ (කාර්ය පටිපාටිය) පනත මූලික කරගමින්, මෙම විශ්වාසභංග යෝජනාව සැලසුම් කර තිබෙනවා.
2023 වසරේ මාතර, වැලිගම ප්‍රදේශයේ පිහිටි ‘W15’ හෝටලයට වෙඩි තැබීමේ සිද්ධිය සම්බන්ධයෙන් එල්ල වී ඇති චෝදනා හේතුවෙන් දේශබන්දු තෙන්නකෝන් මේ වන අධිකරණ නියෝගයකට අනුව දුම්බර බන්ධනාගාරයේ රැඳවියෙක් වශයෙන් විශේෂ ආරක්ෂාවක් යටතේය රැඳී සිටිනවා.
ජ්‍යෙෂ්ඨ නියෝජ්‍ය පොලිස්පති සහ වැඩබලන පොලිස්පති දේශබන්දු තෙන්නකෝන් පොලිස්පති ලෙස පත් කෙරුණේ 2024 පෙබරවාරි 26 වන දිනයි.
