ගුරු සේවයට බඳවා ගැනීම ගැන දැනුම්දීමක්

ජාතික ශික්ෂණ විද්‍යා ඩිප්ලෝමාධාරින් ශ්‍රී ලංකා ගුරු සේවයට බදවා ගැනීම සම්බන්ධව අධ්‍යාපන අමාත්‍යාංශය විසින් නිවේදනයක් නිකුත් කර තිබෙනවා.

ජාතික අධ්‍යාපන විද්‍යාපීඨවල 2020 සිට 2022 වර්ෂ වල පාඨමාලා හදාරන ලද ශික්ෂණ ලාභීන්ට ගුරු පත්වීම් ලබාදීම සඳහා වන තොරතුරු රැස් කිරීම් මාර්ගගත ක්‍රමය ඔස්සේ සිදු කිරීමට නියමිත බව එම නිවේදනයේ සඳහන් වනවා.

ඒ අනුව, ලබන 28 වනදා දක්වා කාලය තුළ එම ශික්ෂණලාභීන්ට මේ සඳහා අයදුම් කළ හැකි බව අධ්‍යාපන අමාත්‍යාංශය ප්‍රකාශ කළා.

මේ සම්බන්ධව වැඩිදුර තොරතුරු සඳහා අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශයේ www.moe.gov.lk යන වෙබ් අඩවියට පිවිසීමෙන් ලබා ගත හැකියි.