ඇෆ්ගනිස්ථානයේ මානුෂීය අර්බුදයේදී සහ ජාත්යන්තර සංවිධාන මගින් ඇෆ්ගනිස්ථානයට මානුෂීය ආධාර බෙදා හැරීමේදී තීරණාත්මක කාර්යභාරයක් ඉටු කළ චබහාර් වරාය තවදුරටත් සංවර්ධනය කිරීම පිළිබඳව සාකච්ඡා ආරම්භ කර තිබේ.
ඒ ජාතික ආරක්ෂක උපදේශකයින් සහ මධ්යම ආසියානු රටවල ආරක්ෂක කවුන්සිල සාමාජිකයන් සහ ආරක්ෂක මණ්ඩල ලේකම්වරුන් ආදීන්ගේ සහභාගිත්වයෙන් පැවති 1 වන ඉන්දියා-මධ්යම ආසියානු රැස්වීමේදීය.
සමුළුවෙන් අනතුරුව නිකුත් කළ ඒකාබද්ධ නිවේදනයක සදහන් වූයේ මෙම හමුවේදී, ජාත්යන්තර උතුරු-දකුණු ප්රවාහන කොරිඩෝව සහ ජාත්යන්තර ප්රවාහන සහ සංක්රමණ කොරිඩෝව පිළිබඳ අෂ්ගාබාත් ගිවිසුම මෙන්ම ඉන්දියාවට සම්බන්ධ වීම සැලකිල්ලට ගන්නා ලෙස මධ්යම ආසියානු ජාතීන්ගෙන් ඉල්ලා සිටි බවයි.
ජාතික ආරක්ෂක උපදේශකයින් ඇෆ්ගනිස්ථානයේ දැනට පවතින තත්ත්වය සහ කලාපයේ ආරක්ෂාව සහ ස්ථාවරත්වය කෙරෙහි එහි බලපෑම පිළිබඳව සාකච්ඡා කර ඇති අතර, සාමකාමී, ස්ථාවර සහ ආරක්ෂිත ඇෆ්ගනිස්ථානයක් සඳහා ශක්තිමත් සහය නැවත අවධාරණය කර තිබේ.
එපමණක් නොව, ත්රස්තවාදයට එරෙහි වීම, කලාපීය ආරක්ෂාව සහ ඇෆ්ගනිස්ථානයේ තත්වය පිලිබදව සාකච්ඡා කිරීම නවදිල්ලියට රැස් වූ මධ්යම ආසියානු රටවල ජාතික ආරක්ෂක උපදේශකයින් සහ ආරක්ෂක කවුන්සිල ලේකම්වරුන්ගේ ප්රමුඛ ගැටළු වූ බවද සදහන් වේ.