පොලිස් නිලධාරින්ගේ රාජකාරියට බාධා කිරීම හේතුවෙන් පාර්ලිමේන්තු මන්ත්‍රී වෛද්‍ය රාමනාදන් අර්චුනා අත්අඩංගුවට ගැනීමට අනුරාධපුර අධිකරණය විසින් නියෝග කර තිබෙනවා.
එමෙන්ම විමර්ශන සම්බන්ධයෙන් වැඩිදුර වාර්තාවක් ලබන මස 03 වැනිදා අනුරාධපුර මහේස්ත්‍රාත් අධිකරණයට ඉදිපත් කිරීමටද නියෝග කර තිබෙනවා.
අනුරාධපුර – ගල්වල හන්දිය ප්‍රදේශයේදී පාර්ලිමේන්තු මන්ත්‍රී අර්චුනා රාමනාදන් මහතා ඊයේ (20) පස්වරුවේ රථවාහන රාජකාරී යෙදී සිටි රථවාහන නිලධාරීන්ගේ රාජකාරියට බාධා කරමින් රථ වාහන නිතීයට අනුකූල නොවී ක්‍රියා කිරීම සම්බන්ධව ශ්‍රී ලංකා පොලිසිය විසින් විමර්ශනයක් ආරම්භ කර තිබෙනවා.
මන්ත්‍රීවරයා විසින් එම අවස්ථාවේ සිදු කරන ප්‍රකාශ මඟින් ජාතීන් අතර අසමගියක් ඇති වී තිබේද යන්න සම්බන්ධයෙන්ද පොලිසිය මෙලෙස විමර්ශන ආරම්භ කර තිබුණා.
පොලිසිය සඳහන් කළේ, මෝටර් වාහන පනත සහ දණ්ඩ නීතී සංග්‍රහයේ 183 සහ 347 යන වගන්ති ප්‍රකාරව අධිකරණයට කරුණු වාර්තා කර ඉදිරි නීතිමය ක්‍රියාමාර්ග ගැනීම සඳහා පොලිසිය කටයුතු කරන බවයි.
