කිසිදු ලෙසකින් සිය රට ශ්‍රී ලංකාව මෙන් අරගලකාරී පසුබිමකට ඇද නොදමන බව පාකිස්තානයේ හිටපු අග්‍රාමාත්‍ය ඉම්රාන් ඛාන් පවසනවා.
ඊයේ ලාහෝරයේ පැවති මාධ්‍ය හමුවකට එක්වෙමින් හිටපු අගමැතිවරයා සඳහන් කළේ, ශ්‍රී ලංකාවේ මෙන් මැතිවරණ පැවැත්වීම කල් දැමීමටවත් සිය පක්ෂයෙ කිසිදු අරමුණක් නැති බවයි.
ඒ නිසා පවතින රජයට බලපෑම් කරමින් එරට මහමැතිවරණය පැවැත්වීමට සිදු කෙරෙන බලකිරීමකට උත්තේජනයක් ලෙසින් දෙසැම්බර් 23 වැනි දින සිය පක්ෂය යටතේ පවතින ප්‍රාදේශීය සභා දෙකක් නිල කාලය අවසන් වීමටත් පෙර විසුරුවා හැරීමට තීරණය කර ඇති බවයි ඛාන් සඳහන් කළේ.
එතුළින් මැතිවරණයක් පැවැත්වීමට ෆෙඩරල් රජයට බලපෑමක් කිරීම එහි අරමුණ බවත් ඔහු පවසනවා.
ඉම් රාන් ඛාන් අප්‍රේල් මාසයේ පාර්ලිමේන්තු ඡන්දයකින් ධුරයෙන් නෙරපා හැරුණු අතර, ඉන් පසුව ඔහු විසින් හදිසි මැතිවරණයක් සඳහා අවශ්‍ය කරන ප්‍රචාරණ කටයුතු මේ වනවිට සිදු කෙරෙමින් සිටිනවා.
ඛාන් සඳහන් කළේ දකුණු ආසියාවේ අවිනිශ්චිත අරගල ගොඩනැගී ඇත්තේ ද නිසි කලට මැතිවරණ නොපැවැත්වීම හේතුවෙන් බවයි.
