මේ වන විට ආන්දෝලනාත්මක තත්ත්වයේ පසුවන පාකිස්ථාන යුද නෞකාව වන PNS Taimur නෞකාව අද (12) පෙරවරුවේදී කොළඹ වරායට ළඟා වී තිබෙනවා.
ශ්‍රී ලංකා නාවික හමුදාව පවසන්නේ චීනයේ නිෂ්පාදිත මෙම නෞකාව ලබන සඳුදා (15) දක්වා කොළඔ වරායේ නැංගුරම් ලා තැබීමට නියමිත බවයි.
චීන රජයට අයත් යුධ නෞකාවක්ද මෙරටට පැමිණීමට නියමිත අතර එම නෞකාව හා පකිස්ථානු යුද නෞකාව මෙරටට පැමිණීම පිලිබදව මෙරට දේශපාලන ක්ෂේත්‍රයේ දැඩි කැළඹීමක් ඇතිකර තිබෙනවා.
මෙම නෞකා දෙක හේතුවෙන් මෙරට ජාත්‍යන්තර ප්‍රතිපත්තියද අර්බුදයට ලක්ව ඇති අතර මේ පිළිබදව ඉන්දියාව දැඩි නොසතුටින් පසුවනවා.
PNS ටයිමූර් නම් මෙම පකිස්ථානු යුද නෞකාවට වේග ප්‍රහාරක අවි සහ මිසයිල දියත් කිරීමේ හැකියාව පවතිනවා.
පාකිස්ථානයේ මෙම යුද නෞකාව කොළඹ වරායට පැමිණීමට පෙර බංග්ලාදේශයේ චිතගොං වරායට සේන්දුවීමට අවසර ඉල්ලා තිබුණත් එරට අග්‍රාමාත්‍යවරිය වන ෂෙයික් හසීනාගේ පාලනය ඊට අවසර ලබා දී තිබුණේ නැහැ.
