රට තුළ ක්‍රියාත්මක ආගමික අපහාස කිරීමට අදාළ නීති සුලු ආගමිකයන් මර්දනය සදහාත් දේශපාලන සහ පුද්ගලික පළිගැනීම් සදහාත් යොදාගන්නා බවට පකිස්තානයට චෝදනා එල්ල වී තිබේ.
එරට තුළ ක්‍රියාත්මක සමාජ යුක්තිය සදහා වන මධ්‍යස්ථානය සදහන් කර ඇත්තේ මෙම නීති ක්‍රියාත්මක වීම ඇරඹූ 1987 සිට 2020 දක්වා පුද්ගලයන් දෙදහසක් පමණ අවසනාවන්ත ලෙස එහි ගොදුරක් වී ඇති බවයි.
මෙහිදී එරට තුළ වෙසෙන මිලියන තුනකට ආසන්න ක්‍රිස්තියානීන් දැඩි ලෙස පීඩාවට පත්ව ඇතැයිද එම සංවිධානය සදහන් කර තිබේ.
මේ අතර ඇමරිකාවේ ක්‍රියාත්මක ඕපන් ඩෝර්ස් නම් ආගමික සංවිධානය ප්‍රකාශ කරන්නේ ලොව ක්‍රිස්තියානීන්ට එරෙහි දරුණුම රටවල් අතර පකිස්තානය පස්වන ස්ථානයේ පසුවන බවයි.
