​​ස්පුට්නික් ලයිට් එන්නතේ තනි මාත්‍රාව පලස්තීනයත් අනුමත කරයි

පලස්තීනයේ සෞඛ්‍ය අමාත්‍යාංශය විසින් කොවිඩ් 19 වෛරසයට එරෙහිව රුසියානු තනි මාත්‍රාවක් වන ස්පුට්නික් ලයිට් එන්නත අනුමත කරන බව රුසියානු සෘජු ආයෝජන අරමුදල (RDIF) නිවේදනය කරයි.

ස්පුට්නික් V (Sputnik V) හි පළමු සංරචකය වන ස්පුට්නික් ලයිට් (Sputnik light) එන්නත 79.4% ක කාර්යක්ෂමතාවක් පෙන්නුම් කර තිබේ.එන්නත ලබා දීමෙන් දින 28 කට පසුව ලබා ගත් දත්‍ත විශ්ලේෂණය කිරීමෙන් එම නිගමනයට එළඹී ඇත.

2020 දෙසැම්බර් 5 සිට 2021 අප්‍රේල් 15 දක්වා වූ මහා එන්නත් කිරීමේ වැඩසටහන අතරතුර කිසිදු හේතුවක් නිසා දෙවන එන්නත ලබා නොගෙන තනි එන්නතක් පමණක් එන්නත් කරන ලද රුසියානුවන්ගේ දත්ත මෙම විශ්ලේෂණය සඳහා ලබා ගන්නා ලදී.එම කාර්යක්ෂමතාව අනෙකුත් මාත්‍රා දෙකේ එන්නත්වලට වඩා 80% ට වඩා වැඩි බව පර්යේෂකයින් පෙන්වා දී තිබේ.

2021 ජනවාරියේදී ස්පුට්නික් V එන්නතෙහි මාත්‍රා දෙක ලබාදීම පලස්තීනයේ හදිසි භාවිතය සඳහා බලය පැවරීමේ ක්‍රියාපටිපාටිය යටතේ අනුමත කරන ලදී.

බිලියන 3.2 කට වැඩි ජනගහනයක් සිටින රටවල් 66 ක මේ දක්වා ස්පුට්නික් V එන්නත සඳහා අවසර දී ඇත.

“ස්පුට්නික් ලයිට් එන්නත තනි මාත්‍රාවක් භාවිතා කිරීමෙන් රෝහල්ගත වීමට හේතු වන දරුණු අවස්ථා ඇතිවීමේ හැකියාව සැලකිය යුතු ලෙස අඩු කරයි. පලස්තීනයේ ස්පුට්නික් ලයිට් අනුමත කළ බලධාරීන්ට ස්තූතිවන්ත වන අතර කෙටි කාලයක් තුළ විශාල කණ්ඩායමයකට එමඟින් ප්‍රතිශක්තිකරණය ලබා දීමට හැකි වනු ඇතැ’යි” රුසියානු සෘජු ආයෝජන අරමුදල ප්‍රකාශ කර තිබේ.