අන්තර් විශ්වවිද්‍යාල ශිෂ්‍ය බල මණ්ඩලය සහ සම සෞඛ්‍ය විද්‍යාල පීඨ ශිෂ්‍ය බල මණ්ඩලය කොළඹ විහාරමහදේවී උද්‍යානය අසලින් ඇරඹි විරෝධතාවය, ඊයේ (06) සුවසිරිපායේ සෞඛ්‍ය අමාත්‍යාංශය දක්වා පැමිණ විරෝධය පලකර සිටියා.
එහිදී ප්‍රධාන ගේට්ටුව අවහිර කරමින් පොලිස් ආරක්ෂාව යොදවා තිබුණත් සිසුන් ඒවා ඉවත් කරමින් සෞඛ්‍ය අමාත්‍යාංශ පරිශ්‍රයට ඇතුළු විය.
පසුව සිසුන් ගොඩනැගිල්ලට ඇතුළු වීමට උත්සහ කිරීම නිසා ඇතිවූයේ නොසන්සුන්තාවයක්.
පසුව අන්තර් විශ්වවිද්‍යාල ශිෂ්‍ය බල මණ්ඩලයේ කැඳවුම්කරු වන වසන්ත මුදලිගේ සහ තවත් 12 දෙනෙකුට නිලධාරීන් සමඟ සාකච්ඡාවට ඉඩ සැලසුනා.
ඉන්පසුව, විරෝධතාවයේ ආරම්භයේදී අලාභහානි සිදුවූ ගේට්ටුව යළි පිළිසකර කර සිසුන් පිටව ගියා.
