අග්‍රාමාත්‍යවරයා සිය ඩුබායි සංචාරය අවලංගු කර ඇති බව අග්‍රාමාත්‍ය කාර්ය මණ්ඩල ප්‍රධානී යෝෂිත රාජපක්ෂ උපුටා දක්වමින් ඩේලි මිරර් වෙබ් අඩවිය වාර්තා කර සිටිනවා.
මෙරට ආර්ථික අර්බුදය සහ වර්ධනය වන විවිධ ගැටලු හේතුවෙන් මෙම තීරණය ගත් බවයි එහි සඳහන් වන්නේ.
ශ්‍රී ලංකාවේ විදේශ සංචිත ප්‍රමාණය ඩොලර් බිලියන 3 සීමාවට ළඟා වී ඇති බැවින් ලබන වසරේ සිට මෙරට ආර්ථිකය යථා තත්ත්වයට පත් වනු ඇතැයි අග්‍රාමාත්‍යවරයා සුබවාදීව සිටින බවත් රටේ පවතින ගැටළු සම්බන්ධයෙන් කටයුතු කළ යුතුව ඇති නිසා අගමැතිවරයාට මේ මොහොතේ ඩුබායි සංචාරයේ නිරත වීමට නොහැකි බවත් යෝෂිත රාජපක්ෂ මහතා පැවසූ බවයි එම පුවත්පත සඳහන් කරන්නේ.
ඩුබායි එක්ස්පෝ උත්සවයට සහභාගී වීම සඳහා අගමැති රාජපක්ෂ 2022 ජනවාරි 2 වන දින ඩුබායි බලා පිටත්ව යාමට නියමිතව තිබුණා. ඒ, ඩුබායි හි පාලක මොහොමඩ් බින් රෂීඩ් අල් මක්ටූම්ගේ ආරාධනයකට අනුවයි.
