යූටියුබ් හි නැරඹුම්වාර මිලියන 140ක් ඉක්මවා ඇති මැණිකේ මගේ හිතේ ගීතය නිසා යොහානි දිලෝකා ද සිල්වා මේ වන විට ලබා ඇති දෙස් විදෙස් ජනාදරය ඉමහත්.
මෙම යොවුන් ගායන ශිල්පිනියට වෙළෙඳ අමාත්‍ය ආචාර්ය බන්දුල ගුණවර්ධන මහතා පාර්ලිමේන්තුවේදී අද (5) කවියකින් සුබ පැතුම් එක් කරනු ලැබුවා.
” මැණිකේ වදනින් ලොවක් කැළඹු
මිහිරි ගීයෙන් සවන් සැනසූ
සිහින කුසුමන් දෑස තැවරූ
යොහානි දුවට අපේ සුබපැතුම් “
යන කවිය වෙළඳ අමාත්‍යවරයා එහිදී තාලයට ගායනා කරනු ලැබුවා.
ශ්‍රී ලංකාව ජාත්‍යන්තරයට රැගෙන ගිය යොහානි දියණියට තමා හදවතින්ම සුබ පතන බව, එකතු කළ අගය මත බදු පනත යටතේ නියෝග, දේශීය ආදායම් පනත යටතේ නියෝග සහ මුදල් පනත යටතේ නියෝගයක් පිළිබඳ අද (05) පැවති විවාදයේදී බන්දුල ගුණවර්ධන මහතා පවසා සිටියා.
