පියාගෙන් සිදුවන කරදර සම්බන්ධව පොලීසියට පැමිණිලි කිරීමට ගිය තරුණියක් ගැබ් කළ පොලිස් කොස්තාපල්වරයෙකුගේ වැඩ තහනම් කර තිබෙනවා.
පොලිස් මුලස්ථානය කියා සිටින්නේ පෙබරවාරි මාසයේ දිනක ගැබ් ගත් බව කියන තරුණිය සිය මව සමඟ පොලීසියට පැමිණ ඇති බවයි.
එහිදී සිය පියාගෙන් සිදුවන හිරිහැර සම්බන්ධව පොලීසියට පැමිණිල්ලක් සිදු කර තිබෙනවා.
නමුත් කාන්තා නිලධාරිනියක් නොමැති බව පවසා එදින රැය පහන් වන තෙක් ඔවුන් පොලීස් ස්ථානයේ රඳවා තබා ගනිමින් පොලිස් කොස්තාපල්වරයා කටයුතු කර ඇති බවයි වාර්තා වන්නේ.
තරුණියගේ ජංගම දුරකථන අංකය ලබාගත් පොලිස් කොස්තාපල්වරයා ඇයට ඇමතුමක් ලබාදී මුදල් හා පරිඝනක ලබා දෙන බව පවසමින් කල්ලඩි ප්රදේශයේ නිවසකට රැගෙන ගොස් අඹු සැමියන් ලෙස හැසිරී ඇති බව මුලික පොලිස් විමර්ශනවලදී අනාවරණය වී තිබෙනවා.
පසුව ඇය සති කිහිපයකට ඉහත දී ඇය ගැබ් ගත් බව පොලිස් කොස්තාපල්වරයා දැනුවත් කිරීමෙන් අනතුරුව ඔහු ඇයව මඟ හැරීමට කටයුතු කර ඇති බවයි සඳහන් වන්නේ.
අනතුරුව තරුණිය පොලිස්ථානයට පැමිණ පැමිණිල්ලක් ඉදිරිපත් කිරීමෙන් අනතුරුව විමර්ශන සිදුකර ඇති අතර මුලික විමර්ශනවලින් අනතුරුව පොලිස් කොස්තාපල්වරයාගේ වැඩ තහනම් කර තිබෙනවා.