ඉකුත් රජය සමයේ සුනිල් හදුන්නෙත්ති මහතා විසින් ගොනු කළ මූලික අයිතිවාසිකම් පෙත්සමක් විභාගයට නොගෙන නිශ්ප්‍රභ කරන ලෙස වගඋත්තරකරුවන් විසින් මතු කළ මූලික විරෝධතා ශ්‍රේෂ්ඨාධිකරණය අද (02) ප්‍රතික්ෂේප කළා.
මෙලෙස මූලික විරෝධතා ප්‍රතික්ෂේප කෙරුණේ, හිටපු ජනාධිපති ගෝඨාභය රාජපක්ෂ පාලන සමයේ ආනයනික සීනි සඳහා පනවා තිබූ බදු අඩු කිරීමේදී රජයට රුපියල් කෝටි 1590 ක් පාඩු වූ බව පවසමින් අමාත්‍යවරයා විසින් ඉදිරිපත් කර තිබු මූලික අයිතිවාසිකම් පෙත්සමටයි.
ඒ අනුව එම අදාල පෙත්සම සලකා බැලීම සඳහා ඔක්තෝම්බර් මස 30 වැනිදා කැඳවන ලෙස කුමුදුනී වික්‍රමසිංහ ප්‍රමුඛ ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ලක් විසින් මෙම නියෝගය නිකුත් කළා.
