පාසලේ පිරිමි දරුවන් කිහිපදෙනෙක් ලිංගික අපයෝජනයකට ලක්කිරීමේ සිදුවීමක් සම්බන්ධයෙන් චෝදනා එල්ලවී සිටින කතරගම ගෝතමීගම කණිටු විද්‍යාලයේ විදුහල්පතිවරයා ලබන සැප්තැම්බර් 04 වෙනිදා දක්වා රක්ෂිත බන්ධනාගාරගත කර තිබෙනවා.
සැකකරු තිස්සමහාරාම මහෙස්ත්‍රාත් අධිකරණයට ඉදිරිපත් කිරීමෙන් අනතුරුව ඊයේ (28) දිනයේ මෙම තීරණය ලබා දී තිබුණා.
අදාළ සිදුවීමට මුහුණදුන් දරුවන්ට සිදුවන තර්ජන සම්බන්ධයෙන් සහ මෙම සිදුවීම්වලට අනුබල දුන් පුද්ගලයින් සම්බන්ධයෙන් වෙන් වෙන් වශයෙන් පරීක්ෂණයක් පවත්වන ලෙස ද දරුවන් වෙනුවෙන් ඉදිරිපත් වූ නිතීඥවරයා අධිකරණයෙන් ඉල්ලීමක් සිදුකර ඇති බවද සඳහන්.
ඒ අනුව, අදාල ඉල්ලිම් පිළිබඳ තීරණය කිරීම සඳහා සැකකාර විදුහල්පතිවරයා සැප්තැම්බර් 04 වන දින තෙක් රක්ෂිත බන්ධනාගාරගත කරන ලෙස අධිකරණය නියෝග කර තිබෙනවා.
පසුගිය 22 වැනි දා කතරගම ගෝතමීගම කණිටු විද්‍යාලයේ සිදු වූ අපයෝජන සිදුවීමක් සම්බන්ධයෙන් එම පාසලේ ම විදුහල්පතිවරයා අත්අඩංගුවට ගෙන තිබුණා.
මේ අතර, ඊයේ (28) උදෑසන 9 සිට ගෝතමීගම ගම්මානයේ දෙමව්පියන් අධිකරණ පරිශ්‍ර ඉදිරියේ නිහඬ උද්ඝෝෂණයක නිරත වී තිබෙනවා.
