රැඳවියෙකු සමඟ ලිංගිකව හැසිරීමේ චෝදනාවකට ලන්ඩනයේ වැන්ඩ්ස්වර්ත්හි බන්ධනාගාර නිලධාරිනියක් ලෙස සේවය කළ කාන්තාවකට මාස 15ක සිර දඬුවම් නියම කර තිබෙනවා.
ලින්ඩා ද සූසා අබෲ නමැති එම කාන්තාව එලෙස හැසිරෙන ආකාරය දැක්වෙන වීඩියෝවක් සමාජ මාධ්‍යවල දැඩි ලෙස ප්‍රචාරය වීමත් සමඟ බන්ධනාගාරයේ ජ්‍යේෂ්ඨ කාර්ය මණ්ඩලය විසින් ඇයව හඳුනාගෙන තිබුණා.
30 හැවිරිදි ලින්ඩා, සිය පියා සමඟ මැඩ්රිඩ් වෙත යාමට උත්සහ කරමින් සිටියදී හීතෲ ගුවන් තොටුපොළේදී අත්අඩංගුවට ගෙන තිබෙනවා.
ඇය මින් පෙර අවස්ථාවක කාර්යාලය තුළ විෂමාචාර චෝදනාවලට වරද පිළිගෙන තිබුණා.
මෙම සිදුවීම සම්බන්ධයෙන් අධිකරණයට ප්‍රකාශයක් ලබා දෙමින් වැන්ඩ්ස්වර්ත්හි ආණ්ඩුකාරවරයා පවසා ඇත්තේ ලින්ඩාගේ හැසිරීමත් සමඟ බන්ධනාගාරයේ පිරිමි රැඳවියන් කාන්තා පාලකවරියන්ට අයුතු බලපෑම් සහ හිරිහැර වර්ධනයක් දක්නට ලැබෙන බවයි.
පොලීසිය පවසා ඇත්තේ මේ වන විට අදාළ වීඩියෝවෙහි පෙනී සිටින රැඳවියන් දෙදෙනෙකු සම්බන්ධයෙන්ද විමර්ශන සිදු කරන බවයි.
එමෙන්ම, එම වීඩියෝවෙහි පෙනී සිටින රැඳවියා සමඟම ඇය ලිංගිකව හැසිරෙන ආකාරය දැක්වෙන තවත් වීඩියෝ ඇය බන්ධනාගාර නිලධාරිනියක් ලෙස ශරීරයේ පළඳින කැමරාවෙහි පටිගතව තිබී හමූ වී ඇති බවද අධිකරණයට දැනුම් දී තිබෙනවා.
එමඟින් අනාවරණය වී ඇත්තේ මෙම ක්‍රියාව හුදෙකලා සිද්ධියක් නොවන අතර ඇය අවස්ථා කිහිපයකදීම බන්ධනාගාරය තුළ මෙලෙස හැසිරී ඇති බවයි.
