හෙට(04) සිට දිවයින පුරා පෞද්ගලික බස් රථ ධාවනය සම්පූර්ණයෙන්ම නතර වීමේ අවදානමක් පවතින බව ලංකා පෞද්ගලික බස් හිමියන්ගේ සංගමය පවසනවා.
බස් රථ ධාවනය සඳහා ඉන්ධන නොමැති වීම ඊට හේතුවී ඇති බවයි එහි සභාපති ගැමුණු විජේරත්න මහතා පවසන්නේ.
පොදු ප්‍රවාහනයට ලංගම ඩිපෝ මගින් ඉන්ධන නිකුත් කිරීම සිදු කළද බස් ධාවනයට එය ප්‍රමාණවත් නොවන බවත් අද(03) දිනයේ මෙතෙක් ධවනයකර ඇත්තේ පෞද්ගලික බස් රථ 05%ක් පමණක් බවත් පෞද්ගලික බස් හිමියන් පවසනවා.
කෙසේ වෙතත් ලංගම බස් රථ සාමාන්‍ය පරිදි ධාවනයේ යොදවන බවයි ලංකා ගමනාගමන මණ්ඩලය සඳහන් කරන්නේ.
මේ අතර, දුම්රිය ධාවනය සඳහා ප්‍රමාණවත් ඉන්ධන සංචිත පැවතියද සේවකයින්ට පැමිණීමට ප්‍රවාහන පහසුකම් හෝ ඉන්ධන නොමැති වුවහොත් දුම්රිය ධාවනයද අඩාල විය හැකි බවයි දුම්රිය සේවකයින් පවසන්නේ.
