රජීව් කපූර් අභාවප්‍රාප්ත වෙයි

ප්‍රවීන හින්දි චිත්‍රපට නළුවෙකු, අධ්‍යක්ෂවරයෙකු හා නිෂ්පාදකවරයෙකු වන රජීව් කපූර් හෘදයාබාධයක් හේතුවෙන් අභාවප්‍රාප්ත වී තිබෙනවා.

මිය යන විට 58 වන වියෙහි පසුවූ රජීව් කපූර් බොලිවුඩ් සිනමාවේ සුප්‍රසිද්ධ කපූර් පවුලේ සාමාජිකයෙකු වනවා.

හිංදි සිනමාවේ අග්‍රගන්‍ය නළුවෙකු වන රාජ් කපූර්ගේ බාල පුත්‍රයා වන රජීව් කපූර්ගේ සහෝදරයන් වන්නේ ප්‍රවීන බොලිවුඩ් නළුවන් වන රන්ධීර් කපූර් සහ රිෂී කපූර් යන අයයි.

ඔහුගේ සහෝදරයා වන ප්‍රවීන බොලිවුඩ් නළු රිෂී කපූර් පසුගිය වසරේදී අභාවප්‍රාප්ත වුණා.

රජීව් කපූර් ප්‍රධාන චරිතයක් රඟපෑ පළමු චිත්‍රපටය වන්නේ ‘Ram Teri Ganga Maili’ චිත්‍රපටයයි.

රජීව් හා මන්දාකිනි රඟපෑ එම චිත්‍රපටයේ එන ලතා මංගේෂ්කාර් ගයන ‘Tujhe Bulayein Yeh Meri Bahein’ ගීතයේ දිය ඇල්ලක් අසළ දර්ශන පෙලක් හේතුවෙන් එය දැඩි ආන්දෝලනයටද තුඩු දුන්නා.

Zimmedaaar, Naag Nagin,Shukriyaa, Hum To Chale Pardes, Zalzala,Preeti, Ram Teri Ganga Maili, Zabardast, Mera Saathi, Aasmaan, Ek Jaan Hain Hum යනාදී චිත්‍රපට රැසක රංගනයෙන් දායක වුන රජීව් PremGranth චිත්‍රපටය අධ්‍යක්ෂණය කරමින් චිත්‍රපට අධ්‍යක්ෂණයටද පිවිසියා.