ඉස්ලාමීය බැතිමතුන් අද (31) ඊදුල් ෆිතර් හෙවත් රාමසාන් උත්සවය සමරනවා.
රාමලාන් යන්නෙහි තේරුම භාග්‍යවත් මාසය යන්නයි.
පුරා මාසයක් දිනපතා හිරු නැගෙන්නට පෙර සිට, හිරු බැස යන තුරු නිරාහාරව සිටිමින් ඉස්ලාම් බැතිමතුන් උපවාසයේ නිරත වුණා.
එය, අනෙකාගේ කුසගින්න, දුක සහ අවශ්‍යතා තේරුම් ගන්නා කාලය වන අතර එම කාලයේ සකාත් හෙවත් දන්දීම් වැඩි වශයෙන් කළ යුතුයි.
ඉස්ලාම් බැතිමතුන්ගේ ශුද්ධ ග්‍රන්ථය වන අල් කුරාණය දෙවියන් වහන්සේගෙන් මුහම්මද්තුමාට මුලික හෙළිදරව් කිරීම් ලැබුණු මාසය ලෙස, අද රාමසාන් සමරනු ලබනවා.
කොළඹ මහා පල්ලිය ඊයේ (30) රාත්‍රියේ නිවේදනය කළේ නව සඳ දිස්වීම හේතුවෙන් අද දිනයේ රාමසාන් උත්සවය සමරණ බවයි.
මේ අතර රාමසාන් උත්සවය වෙනුවෙන් මුස්ලිම් පාසල් සඳහා හෙට (01) දිනයේ නිවාඩු ලබා දීමට අධ්‍යාපන අමාත්‍යංශය තීරණය කර තිබෙනවා.
මෙම නිවාඩු සඳහා හිලව් සැසි පැවැත්වෙන දිනය පසුව දැනුම් දෙන බව එම අමාත්‍යංශය සඳහන් කළා.
