ජනාධිපති ධුරයේ කොටයක් අදින්න ආපු රනිල් වික්‍රමසිංහ මහතාට කිසිසේත් ධුර කාලය දීර්ඝ කර ගැනීමට හැකියාවක් නොමැති බව ජාතික ජන බලවේගයේ නායක අනුර කුමාර දිසානායක මහතා පවසනවා.
කොළඹදී මාධ්‍ය වෙත අදහස් දක්වමින් අනුර කුමාර දිසානායක මහතා ඊයේ (03) මේ බව සඳහන් කළා.
ඔහු තවදුරටත් සඳහන් කළේ ජනාධිපතිවරයාගේ ධූර කාලය වසරක් බවට ශ්‍රේෂ්ඨාධිකරණය විසින් 2019 වසරේදී පැහැදිලි තීන්දුවක් ලබා දී ඇති බවයි.
ජනාධිපති හා ඔහුගේ ගෝලබාලයන් විවිධ උපක්‍රම, සටකපටකම් දියත් කළත් ඒවා සහතික ලෙසින්ම පරාජයට පත්වන බවද අනුර කුමාර දිසානායක මහතා මෙහිදී අප්වසා සිටියා.
ඒ අනුව, රජය ගෙනයන මෙම ව්‍යාකූලත්වයන් හා නොසන්සුන්තාවන් ඇතිකිරීමේ කුමන්ත්‍රණවලට හසුනොවන ලෙස ඔහු ජනතාවගෙන් ඉල්ලා සිටිනවා.
