ජනාධිපති රනිල් වික්‍රමසිංහට උදව් කරන්නේ දැන් ඔහු වෙනස්වූ නිසාවෙන් යැයි පාර්ලිමේන්තු මන්ත්‍රී නාමල් රාජපක්ෂ පවසනවා.
ඒ, ඊයේ (15) දින පොළොන්නරුව දිස්ත්‍රික්කයේ මැදිරිගිරිය, මින්නේරිය සහ පොළොන්නරුව යන ආසනයන්හි ශ්‍රී ලංකා පොදුජන පෙරමුණු පළාත් පාලන මන්ත්‍රීවරුන්ගේ සහ දේශපාලන ක්‍රියාකාරීන් ගේ හමුව අමතමින්.
රනිල් වික්‍රමසිංහ තානාපති කාර්යාල කියන දේ නොඅසන බවත් ප්‍රජාතන්ත්‍රවාදය සම්බන්ධව මීට පෙර දැරූ මතය නොදරන බවත් ගෝල්ෆේස් අරගලය සුද්ද කළේ ඒ නිසාවෙන් බවත් ඔහු පවසනවා.
අද සිටින්නේ බටහිර ගැති රනිල් වික්‍රමසිංහ කෙනෙකු නොවන බවයි මන්ත්‍රීවරයා පෙන්වා දෙන්නේ.
අරගලයට නායකත්වය දුන්න අය අද සිටින්නේ කොහේදැයි ප්‍රශ්න කළ නාමල් රාජපක්ෂ දමිතා අබේරත්න දැන් සිටින්නේ සමගි ජන බලවේගයේ වේදිකාවේ බවත් ප්‍රකාශ කරනවා.
මෙම අවස්ථාවට ජොන්ස්ටන් ප්‍රනාන්දු, ඩබ්ලිව්. ඩී. වීරසිංහ, ජගත් සමරවික්‍රම, තේනුක විදානගමගේ, සිරිපාල ගම්ලත් සහ සාගර කාරියවසම් යන පිරිස සහභාගී විය.
