ඉදිරි වසර දෙක තුළද රනිල් වික්‍රමසිංහ මහතා ජනාධිපති ධූරයේ කටයුතු කළ යුතුය යන්න තමා අදහස වී ඇති බව පාර්ලිමේන්තු මන්ත්‍රී විග්නේෂ්වරන් මහතා පවසනවා.
ප්‍රවෘත්ති සාකච්ඡාවකට එක්වෙමින් විග්නේෂ්වරන් මන්ත්‍රීවරයා සඳහන් කර ඇත්තේ වර්තමාන ජනාධිපති කම වෙනස් කළොත් රටේ ආර්ථික ප්‍රශ්නය තවත් වැඩිවෙන බවයි
කෙසේවෙතත්, තමා ඇතුළු පිරිස මේ වන විට මේ විට සහය දක්වන්නේ දමිළ පොදු අපේක්ෂකයෙකු හට බවත් දකුණ කෙරෙහි ඔවුන්ගේ විශ්වාසය ගිහිලී ඇති බවත් ඔහු තවදුරටත් පවසා තිබුණා.
මේ සම්බන්ධයෙන් වැඩිදුරටත් අදහස් දැක් වූ පාර්ලිමේන්තු මන්ත්‍රී විග්නේෂ්වරන් මහතා,
“දකුණේ කෙනෙක් තමයි දිනන්නේ…පොදු අපේක්ෂකයෙක් ගෙනාවට අපිට දිනන්න බෑ. ජනාධිපතිවරණයට අපි දකුණෙන් එන අපේක්ෂකයන්ට ඡන්දය දෙනවා වගේ නෙමේ පොදු අපේක්ෂක කෙනෙක් අපි තෝරලා එයාටයි ඡන්දෙ දෙන්න ඉන්නේ..අරක කරනවා මේක කරනවා..මැතිවරණ ඉවර නම් අපිව ගණන් ගන්නේ නෑ..අපේ ප්‍රශ්න එළිදරව් කරන්න ඕනේ..අපි පොදු අපේක්ෂා කෙනෙක් පත් කරන්න යනවා..අපිට දිනන්න පුළුවන්කමක් නෑ..උතුරු නැගෙනහිර ජනතාවගේ ප්‍රශ්න වලට හෙළිදරව් කරන්න තමයි කරන්නේ..අපි මෙච්චර කල් කේවල කරා ..අරක දෙනවා මේක දෙනවා. හිටපු අන්තිම මහ ඇමති මම ,තිබුණ අයිතියත් අපිට දීලා නෑ දකුණු කෙනෙක් තමයි දිනන්න යන්නේ..පොදු අපේක්ෂකයා හැටියට අපි ප්‍රශ්න කියන්න කෙනෙක් හම්බවෙයි. දැනට තියෙන තත්ත්වය හැටියට තවත් අවුරුදු දෙකක් හිටියොත් හොඳයි කියලයි මං හිතන්නේ. දැනට තියෙන ආර්ථික තත්ත්වය අනුව වෙනසක් වුනොත් දැනට තියෙන තත්ත්වයක් නැති වෙනවා..හුඟක් ප්‍රශ්නවලට මුහුණ දෙන්න වෙනවා. දෙමළ මිනිසුන්ගේ ප්‍රශ්නය වලට කිසිම සිංහල ජනාධිපති කෙනෙක් අපි ගැන ප්‍රශ්න ගැන කිසි දෙයක් කරල නෑ. මේ ජනාධිපති වෙනස් කරොත් අයි.එම්.එෆ් එකක් ලැබෙයිද කියලා දන්නේ නෑ. දැනටවත් අපි සහය දෙන්නේ දෙමළ පොදු අපේක්ෂකයකුට.දකුණේ අපේක්ෂකයෙක් ගැන අපිට විශ්වාසයක් නෑ. දකුණේ ඉන්න අයගෙන් සජිත්ට අනුරට අත්දැකීම් නැහැ..පලපුරුද්දක් නෑ..ගෝඨාභය දුන්න වෙලාවේ ප්‍රශ්න තියෙන වෙලාවෙ ඒගොල්ලෝ ඒක අතට ගත්තේ නෑ. සැලසුම් වෙනස් කරන්න හදනවා ජනතා විමුක්ති පෙරමුණ .එහෙම වෙනස් කරාම ආර්ථික තත්ත්වය වෙනස් වෙනවා..ණය කොහේ යයිද දන්නේ නෑ. අපේ පොදු අපේක්ෂකයා අපි දන්නේ නෑ අපි සිවිල් කමිටුවක් තියෙනවා..ඒ කමිටුවෙන් තමයි හොයන්න ඕනේ. දෙමළ පක්ෂ ඔක්කොම එකතු වෙලා කරන්නේ…”
