එළබෙන ජනාධිපතිවරණයේදී ශ්‍රී ලංකා පොදු ජනපෙරමුණෙන් වෙනම අපේක්ෂකයකු අනිවාර්යයෙන්ම ඉදිරිපත් කරන බව එම පක්ෂයේ බදුලු දිස්ත්‍රික් පාර්ලිමේන්තු මන්ත්‍රී ජානක තිස්සකුට්ටිආරච්චි මහතා පවසනවා.
ශ්‍රී ලංකා පොදු ජන පෙරමුණේ අගලවත්ත ආසන සම්මේලනය අමතමින් ඊයේ (29) තිස්සකුට්ටිආරච්චි මහතා මේ බව සඳහන් කළා.
තිස්සකුට්ටිආරච්චි මහතා මෙහිදී පවසා සිටියේ රනිල් වික්‍රමසිංහ මහතා බලයට ගෙන ආවේ එම අවස්ථාවේදී රටේ පැවැති ගැටලු විසඳා ගැනීමට බවයි.
රනිල් වික්‍රමසිංහ මහතා නොමැතිව රෝහිත අබේගුණවර්ධන සිටියත්, කාංචන ෂෙහාන් වැනි ඇමතිවරුන් නිවැරදිව මෙම වැඩපිළිවෙළ ඉදිරියට ගෙන යනු ඇති බව තිස්සකුට්ටිආරච්චි මන්ත්‍රීවරයා මෙහිදී පවසා තිබෙනවා.
එහිදී වැඩිදුරටත් අදහස් දැක්වු තිස්සකුට්ටිආරච්චි මන්ත්‍රීවරයා,
“පෝලිම නතර කළා කියලවත් දෙකයි පනහට කන්න දුන්නා කියලවත් කිරිපිටි පැකට් එකේ මිල අඩු කළා කියලවත් මිනී මැරුවා කියලවත් නායකයන් පත් කරන්න බැහැ.
“නාමල් ගේන්න හදන විට ඒකා තවම ලපටි වැඩියි කියනවා. මම දන්නෙ නැහැ මේකේ කොහෙන්ද ලපටි කියලා”
