ජුනි 09 සහ 10 දිනවල කොටුව සහ තලංගම ප්‍රදේශවල ඇති වූ ප්‍රචණ්ඩ ක්‍රියා සම්බන්ධයෙන් අවශ්‍යව ඇති බවට පොලීසිය නිවේදනය කළ පුද්ගලයින් කිහිප දෙනෙක් අද (22) මරදාන පොලීසියට පැමිණ භාරවුණා.
ඒ අනුව රතිදු සේනාරත්න හෙවත් ‘රැට්ටා’, අන්තර් විශ්වවිද්‍යාල ශිෂ්‍යබල මණ්ඩලයේ කැඳවුම්කරු වසන්ත මුදලිගේ සහ අන්තර් විශ්ව විද්‍යාල ශිෂ්‍යබල මණ්ඩලයේ හිටපු කැඳවුම්කරු ළහිරු වීරසේකර, රංගන ශිල්පී ජගත් මනුවර්ණ, රංගන ශිල්පී ජෙහාන් අප්පුහාමි, සමාජවාදී තරුණ සංගමයේ ජාතික සංවිධායක එරංග ගුණසේකර, අන්තර් විශ්ව විද්‍යාල ශිෂ්‍යබල මණ්ඩලයේ හිටපු කැඳවුම්කරු රත්කරව්වේ ජිනරතන හිමි යන අය පොලීසියට භාරවී තිබෙනවා.
කෙසේවෙතත් මැයි 09 ප්‍රහාරයට අදාළව වහාම අත්අඩංගුවට ගන්නැයි නීතිපතිවරයා නියෝග කළ ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් යන අය අත්අඩංගුවට නොගෙන අදට මාසයකුත් දින 07 ක් ගෙවී අවසන්.
එහෙත් ඔහු සුපුරුදු පරිදි පොලිස් මූලස්ථානයේ රාජකාරී කටයුතු සිදුකරමින් සිටීම විශේෂත්වයක්.
