කොවිඩ් සිරුරු ආදාහනය උදෙසා තමාගේ පෞද්ගලික මුදල් ලබාදීමට සූදානම් බව රාජ්‍ය සේවා පළාත් සභා හා පළාත් පාලන අමාත්‍ය ජනක බණ්ඩාර තෙන්නකෝන් මහතා පවසනවා.
ඒ, දඹුල්ල මූලික රෝහලේ කොවිඩ් රෝගීන්ට නේවාසිකව ප්‍රතිකාර ලබා ගැනීම සඳහා ඉදිකරන ලද වාට්ටුව රෝහලට භාර දීමේ අවස්ථාවට ඊයේ (14) දින සහභාගී වෙමින්.
කොවිඩ් වෛරසය ශරීරගතව මියයන පුද්ගලයන්ගේ ආදාහන කටයුතු සඳහා මුදල් ලබා නොගන්නා ලෙස රාජ්‍ය සේවා පළාත් සභා හා පළාත් පාලන අමාත්‍යවරයා හැටියට දිවයිනේ සෑම පළාත් පාලන ආයතනයකට නියෝග කොට ඇති බව මාධ්‍ය අමතමින් ඔහු පවසා සිටියා.
කෙසේ නමුත්, යම් පළාත් පාලන ආයතනයකට එසේ කිරීමට නොහැකි නම්, එම මුළු මුදල තමාගේ පෞද්ගලික මුදලින් අදාල පළාත් පාලන ආයතනයට ලබාදීමට සූදානම් බවයි අමාත්‍යවරයා අවධාරණය කර සිටියේ.
