ඉතිහාසයේ පළමු වරට මෙරට ඛනිජ තෙල් නිෂ්පාදන අපනයන ආදායම ඇමරිකානු ඩොලර් බිලියනයක මට්ටම ඉක්මවා ගොස් තිබෙනවා.
මහ බැංකුව සඳහන් කළේ, නැව් සහ ගුවන් යානා ඉන්ධන සැපයුම් පරිමාවන් ඉහළ යාම ඊට ප්‍රධානම හේතුව බවයි.
එසේම, රතු මුහුද ආශ්‍රිත නැව් ගමනාගමනයට ඇති වූ බාධාද ඊට හේතු වී තිබෙනවා.
පසුගිය වසරේ මෙරට අපනයන ආදායම ඩොලර් බිලියන 12.8 ක් වූ අතර, 2023 වසරට සාපේක්ෂව එය 7.02% ක වර්ධනයක්.
අපනයන ආදායම වර්ධනයට ඛනිජ තෙල් නිෂ්පාදන අපනයන ඇතුලු කාර්මික අපනයන වල ඉහළ යාමද හේතු වූ බව මහ බැංකුව සඳහන් කළා.
