දේපළ බද්ද ක්‍රියාත්මක කිරීම වෙනුවට රජය විසින් ආරෝපිත කුලී ආදායම් බද්ද පැනවීමට කටයුතු කරමින් සිටින බව පේරාදෙණිය විශ්වවිද්‍යාලයේ ආර්ථික විද්‍යා හා සංඛ්‍යාන විද්‍යා අධ්‍යන අංශයේ මහාචාර්ය වසන්ත අතුකෝරළ මහතා පවසනවා.
ඔහු අවධාරණය කර ඇත්තේ 2025 වර්ෂය වනවිට දේපොළ බද්දක් රට තුළ ක්‍රියාත්මක කිරීමට ජාත්‍යන්තර මූල්‍ය අරමුදල විසින් යෝජනා කරන බවයි.
කෙසේවෙතත් ලබන වසරේ අප්‍රේල් මාසය වනවිට එම බද්ධ ක්‍රියාත්මක කිරීමට නම් මේ වනවිට සැලසුම් සකස් කළ යුතුව තිබුණ ද එය කර ගැනීමට නොහැකි තත්ත්වයක් හේතුවෙන් ආරෝපිත කුලී ආදායම් බද්ද පැනවීමට රජය කටයුතු කරමින් සිටින බව වසන්ත අතුකෝරළ මහතා සඳහන් කරනවා.
ඔහු තවදුරටත් පෙන්වා දෙන්නේ දේපොළ බද්දක් රට තුළ ක්‍රියාත්මක වන්නේ නම් අයුතු ආකාරයේ මුදල් ඉපැයීම් සමබන්ධයෙන් වාර්තා වන බවයි.
