විපක්ෂ නායක සජිත් ප්‍රේමදාස මහතා එංගලන්තයේ උසස් අධ්‍යාපනය ලබා එහි විශ්ව විද්‍යාලයක උපාධිය ලබා තිබෙන බව සමගි ජන බලවේගයේ පාර්ලිමේන්තු මන්ත්‍රී නලින් බණ්ඩාර මහතා පවසනවා.
ඔහු මේ බව සඳහන් කළේ ඊයේ (15) කොළඹ පැවති ප්‍රවෘත්ති සාකච්ඡාවකදී මාධ්‍යවේදීන් විසින් විපක්ෂ නායකවරයාගේ අධ්‍යාපන සුදුසුකම් සම්බන්ධයෙන් විමසු අවස්ථාවේදී යි.
”සජිත් ප්‍රේමදාස මහතාගේ අධ්‍යාපන සුදුසුකම් පිළිබඳව දිගටම කතා කරලා තියෙනවා. පෙන්නලා තියෙනවා. එතුමාට උපාධියක් තියෙනවා. ඔහු එංගලන්තයේ උසස් අධ්‍යාපනය ලබලා, එංගලන්තයේ උපාධිධාරියෙක් විදියට විශ්ව විද්‍යාල උපාධියක් ලබලා එතුමා පරිසරය පිළිබඳව තවත් ඉගෙන ගනිමින් ඉන්නවා. ඉතින් ඔහුගේ උපාධි සහතික අවශ්‍යනම් ඉදිරියට පෙන්නන්න පුළුවන්. අපේ සහතික ගැන කතා කරලනේ දැන් මේ අලුත් ටීම් එකක් ඇවිල්ලා ඉන්නේ. ඒ නිසා එයාලගේ විලුව වහගන්න විපක්ෂ නායකයාගේ සහතිකය අනම් මනම් ඉල්ලන්න යන්න කලින් තමන්ගේ සහතිකය පෙන්නන්න. අපේ සහතික අපි ගොඩක් කලින් පෙන්නලා තියෙනවා.”
