වෘත්තීය සමිති ක්‍රියාකාරිකයෙකු වූ සමන් රත්නප්‍රිය මහතා, ජනාධිපති රනිල් වික්‍රමසිංහ මහතාගේ වෘත්තීය සමිති අධ්‍යක්ෂ ජනරාල් ලෙස පත් කර තිබෙනවා.
ජනාධිපති මාධ්‍ය ඒකකය නිවේදනය කරන්නේ ආණ්ඩුක්‍රම ව්‍යවස්ථාවේ 41(1) වගන්තියට අනුව ජනාධිපතිතුමා වෙත පැවරී ඇති බලතල ප්‍රකාරව ජනාධිපතිවරයාගේ උපදෙස් පරිදි ජනාධිපති ලේකම් සමන් ඒකනායක මහතා විසින් මෙම පත්කිරීම සිදු කර ඇති බවයි.
සමන් රත්නප්‍රිය මහතා රජයේ හෙද නිලධාරින්ගේ සංගමයේ සභාපතිවරයා ලෙසද කටයුතු කරනවා.
මීට පෙර පැවති යහපාලන රජයේ අවසාන සමයේ ඔහුව ජාතික ලැයිස්තු මන්ත්‍රීවරයෙකු ලෙසද එක්සත් ජාතික පක්ෂය විසින් පත්කරනු ලැබූවා.
ඒ ආචාර්ය ජයම්පති වික්‍රමරත්න මහතා ඉල්ලා අස්වීමෙන් පසුව පුරප්පාඩු වූ මන්ත්‍රී ධූරය සදහායි.
ඒ අනුව 2020 වසරේ පෙබරවාරි 05 වනදා පාර්ලිමේන්තු මන්ත්‍රීවරයෙකු ලෙස රත්නප්‍රිය මහතා දිවුරුම් දුන්නා.
