එළැඹෙන පළාත් පාලන මැතිවරණයේදී ජාතික ජන බලවේගය විසින් ශ්‍රී ලංකා පොදුජන පෙරමුණට වඩා එක් ඡන්දයක් හෝ වැඩිපුර ලබාගතහොත් තමන් අමුඩයක් පමණක් ඇඳගෙන සිය කාර්යාලයේ සිට ගාලු මුවදොර දක්වා දිවයන බව ජල සම්පාදන රාජ්‍ය අමාත්‍ය සනත් නිශාන්ත සඳහන් කරනවා.
ඔහු මේ බව මෙම ප්‍රකාශය කරන්නේ සුදත්ත තිලකසිරිගේ යූටියුබ් නාලිකාවේ සාකච්ඡාවකට එක් වෙමින්.
පළාත් පාලන ආයතන වලට අදාල මන්ත්‍රී කොට්ඨාශ වලින් වැඩිම ප්‍රමාණය ජයග්‍රහණය කරන්නේ ශ්‍රී ලංකා පොදුජන පෙරමුණ බවත් ප්‍රතිඵලය අනුව වැඩිම ඡන්ද සංඛ්‍යාව හිමිකර ගන්නේත් පොහොට්ටුව බවත් රාජ්‍ය අමාත්‍යවරයා පවසනවා. එම ඡන්ද සංඛ්‍යාව ලක්ෂ 35-40 අතර ප්‍රමාණයක් වනු ඇති බවයි ඔහු පවසන්නේ.
කෙසේ නමුත් විකෘති ඡන්ද ක්‍රමය නිසා ආරච්චිකට්ටුවේ සිදුවූ අයුරින් ජයග්‍රහණය කරන පළාත් පාලන ආයතන ගණනේ අඩුවක් දැකිය හැකිවනු ඇති බවත් ඔහු පවසනවා.
