සබරගමුව පළාතේ රත්නපුර සහ කෑගල්ල දිස්ත්‍රික්කයේ සියලුම පාසල් සහ බස්නාහිර පළාතේ කළුතර සහ කොළඹ දිස්ත්‍රික්කයේ හෝමාගම කලාපයේ සියලුම පාසල් හෙට (04) දිනයේ වසා තැබීමට කටයුතු කරන බව අධ්‍යාපන අමාත්‍යාංශය නිවේදනය කර තිබෙනවා.
එම නිවේදනයට අනුව ගාල්ල සහ මාතර දිස්ත්‍රික්කවල සියලුම පාසල් ද හෙට දිනයේ වසා තැබෙන අතර, දකුණු පළාත් ආණ්ඩුකාරවරයා මීට පෙර තීරණය කළේ හෙට සහ අනිද්දා යන දින දෙකම ගාල්ල සහ මාතර දිස්ත්‍රිකයේ පාසල් වසා තැබීමටයි.
ඒ අනුව, එම දිස්ත්‍රික්ක දෙක සඳහා තවදුරටත් බලපැවැත්වෙන්නේ ආණ්ඩුකාරවරයා ගත් තීරණය වන අතර එහි වෙනසක් ඇති වුවහොත් ඉදිරියේ දී දැනුම් දෙන බවයි ඔවුන් සඳහන් කළේ.
අධ්‍යාපන අමාත්‍යාංශය වැඩිදුරටත් සඳහන් කළේ, මෙලෙස පාසල් නොපැවැත්වෙන බවට දැනුවත් කර ඇති ප්‍රදේශවල හැර සෙසු ප්‍රදේශවල පාසල් සාමාන්‍ය පරිදි හෙට දිනයේ පැවැත්වෙන බවයි.
