ජන සෙත පෙරමුණේ නායක පූජ්‍ය බත්තරමුල්ලේ සීලරතන හිමියන් ශ්‍රී ලංකා ක්‍රිකට් නිලවරණය සඳහා නාමයෝජනා භාර දී තිබෙනවා.
අද පෙරවරුවේ ශ්‍රී ලංකා ක්‍රිකට් ආයතනයට පැමිණි සීලරතන හිමියන් ශ්‍රී ලංකා ක්‍රිකට් ආයතනයේ උප සභාපති ධූරයක් සඳහා නාම යෝජනා භාර දුන් බවයි පැවසෙන්නේ.
ශ්‍රී ලංකා ක්‍රිකට් ආයතනයේ නිලවරණයට ඉදිරිපත් වීම සඳහා පළමු පෙළ ක්‍රිකට් ක්‍රීඩා කර තිබීම, ක්‍රිකට් ක්‍රීඩා සමාජයක විධායක කමිටු සාමාජිකයෙකු වීම යන සුදුසුකම් සලකා බැලෙන බව ශ්‍රී ලංකා ක්‍රිකට් ආයතනය සදහන් කරනවා.
කෙසේ වෙතත් බත්තරමුල්ලේ සීලරතන හිමියන් උතුරු පළාතේ ක්‍රීඩා සමාජයක් නියෝජනය කරමින් නිලවරණයට නාමයෝජනා තිබෙනවා.
බත්තරමුල්ලේ සීලරතන හිමියන් පැවති ජනාධිපතිවරණයටද ට්‍රැක්ටරය ලකුණ යටතේ ජනසෙත පෙරමුණින් තරඟ වැද සමස්ත දිවයිනෙන්ම ඡන්ද 11,879 ක් ලබාගෙන තිබුණා.
