රුසියාවේ කොවිඩ්-19 එන්නත වන ස්පුට්නික් V එන්නත නිපදවීම සඳහා අදාර් පූනාවල්ලාගේ සීරම් ආයතනය වෙත එරට ඖෂධ නියාමන ආයතනයෙන් අවසර ලබා දී තිබේ.
“ස්පුට්නික් V නිපදවීම සඳහා අපට අනුමැතිය හිමි වී තිබෙනවා.නමුත් සැබෑ නිෂ්පාදනය සඳහා මාස කිහිපයක් ගත වේවි.මේ අතර අපගේ අවධානය කොවෝවැක්ස් සහ කොවිෂීල්ඩ් සඳහා යොමු වී තිබෙනවා” යැයි සීරම් ආඅයතනයේ ප්‍රකාශකයකු මාධ්‍ය වෙත පවසා තිබුණි.
ඉන්දියාවෙන් මේ වන විට නිපදවන එන්නත් දෙකට සාපේක්ෂව ස්පුට්නික් V සියයට 91.6 ක කාර්යක්ෂමතාවයක් පෙන්නුම් කරන බව මේ වන විට තහවුරු වී තිබේ.
මේ සම්බන්ධයෙන් සීරම් ආයතනය ඔවුන්ගේ රුසියානු සහායකයින් සහ ආයතනයන් සමඟ සම්බන්ධ වී කටයුතු කරන බව සමාගම් ප්‍රකාශක වැඩිදුරටත් පවසා ඇත.
