මධ්‍යම කදුකරයේ නැගෙනහිර මායිම් ප්‍රදේශයේ පිහිටි නුවරඑළිය, කදපොල යන ප්‍රදේශවලට ඊයේ (25) සිට ඇද හැලෙන අධික වර්ෂාව හේතුවෙන් නුවරඑළිය කදපොල ප්‍රධාන මාර්ගය ජලයෙන් යටවිම නිසා එම මාර්ගයේ ගමනා ගමන කටයුතු උදැසන සිට ඇණහිට ඇති බව නුවරඑළිය දිස්ත්‍රික් ලේකම් නන්දන ගලබඩ මහතා පවසනවා.
දිස්ත්‍රික් ලේකම්වරයා කියා සිටියේ, නුවරඑළිය තුරග තරග පිටිය අසල පිහිටි නිවාස රැසක්, වික්ටොරියා උද්‍යානය මෙසේ ජලයෙන් යට වි ඇති බවයි.
නුවරඑළිය කදපොල ප්‍රදේශයේ ගල්පාලම ප්‍රදේශය සම්පුර්ණයෙන්ම ජලයෙන් යටවිම නිසා එම ප්‍රදේශයේ පහත්බිම් වල පිහිටි නිවාස රැසක් ජලයෙන් යට වි ඇති බවත්, ඉන් එලවළු වගාවට දැඩි හානි සිදු වි ඇති බවත්, ජලය ගැලිමෙන් පිඩාවට පත් ජනතාව ආරක්ෂිත ස්ථාන කරා යොමු කර ඇති බව දිස්ත්‍රික් ලේකම්වරයා කියා සිටියා.
අපොස උසස් පෙල විභාගයට පෙනි සිටින නුවරඑළිය ප්‍රදේශයේ විභාග මධ්‍යස්ථාන වලට පැමිණි සිසුන් පිරිසක් ජලයෙන් යට වි ඇති කදපොල ප්‍රදේශයේදි බර වාහන යොදාගෙන විභාග මධ්‍යස්ථාන වෙත යොමු කල බවත්, අද පස්වරුවේ විභාගය සදහා පෙනි සිටින සිසු සිසුවියන් සිටිනම් ඔවුන්ට කල්වේලා ඇතිව පැමිණෙන ලෙසත්, එසේ පැමිණෙන සිසු සිසුවියන් ආරක්ෂිතව විභාග මධ්‍යස්ථාන කරා යොමු කිරිමට පියවර ගන්නා බවයි දිස්ත්‍රික් ලේකම්වරයා කියා සිටියේ.
