ආන්දෝලනයට තුඩුදුන් නඩු කිහිපයක් මැයි මාසයේ ගේනවා – අනුර

වර්තමානය වන විට ආණ්ඩුවට විරුද්ධව හඬනගන පිරිස, වැඩිපුරම බිය වී සිටින පිරිස බව ජනාධිපති අනුර කුමාර දිසානායක මහතා පවසනවා.

ඔහු මේ බව සඳහන් කළේ, පළාත් පාලන මැතිවරණයේ බෙලිඅත්තේ පැවති ජාතික ජන බලවේගයේ පළමු රැලිය අමතමින්.

ආන්දෝලනයට තුඩු දුන් නඩු විශාල ප්‍රමාණයක් මැයි මාසය තුළ පැවරෙන බවද ඔහු එහිදී කියා සිටියා.

එහිදී ඔහු වැඩිදුරටත් කියා සිටියේ,

“වැඩියෙන් කෑ ගහන්නේ කවුද? වැඩියෙන් බය වුණ කෙනා හොඳේ. සමහරුන්ගේ හොරාට ඉස්සෙල්ලා කෙහෙන් කැන වැට පැන්නා. “මාව ගන්න යන්නේ” කියලා කියනවා. දැකලා තිඑනවද? මේ “මාව අත්අඩංගුවට ගන්න සැලසුමක් තියෙනවා” වගේ දේවල් කියනවා. හොරාට ඉස්සෙල්ලා කෙහෙල් කැන වැට පැනලා. මතක තියාගන්න මේක අපි කඩිමුඩියේ කලබලේට කරන වැඩක් නෙවෙයි…..

දැන් මේ දවස්වල හිටපු ඇමතිවරු තුනයි, පොලිස්පතියි රිමාන්ඩ්. තව ටික දවසකින් පාර්ලිමේන්තුවම එහේ රැස් වෙන්න පුලුවන් වෙයි…

මේ වංචනිකයන්ට, දූෂිතයින්ට එරෙහිව අපි හැප්පෙන්න ලෑස්තියි… මං හිතනවා මේ මැයි මාසේ වෙනකොට ඉතාමත් අන්දෝලනයට තුඩු දීලා තියෙන නඩු විශාල ප්‍රමාණයක් මේ මාස එක දෙක ඇතුළත පැවරෙනවා…”