ගෝඨාගෝගමට එල්ලවූ ප්‍රහාරය සිදුවූයේ මැයි 09 වනදා අරලියගහ මන්දිරයට පැමිණි මුග්ධ දේශපාලඥයින් කිහි දෙනෙකු නිසා බවට තමන් පිළිගන්නා බව පාර්ලිමේන්තු මන්ත්‍රී රමේෂ් පතිරණ මහතා අද (18) පාර්ලිමේන්තුවේදී සඳහන් කළා.
රමේෂ් පතිරණ මහතා පෙන්වා දෙන්නේ එම දේශපාලඥයින්ගේ බලපෑම නිසා එම රැස්වීමට පැමිණි 10% ක පමණ පිරිසක් ගෝඨාගෝගමට පහරදුන් බවයි.
සිදුවීම වන අවස්ථාවේදී තමන් ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා අමතා මෙය වළක්වන්නැයි කී අවස්ථාවේදී එම පිරිසට ගාලු මුවදොරට පැමිණීමට අවස්ථාව නොදෙන බවට ඔහු සහතික වූ බව පතිරණ මහතා පවසනවා.
කෙසේවෙතත් පසුව තවදුරටත් එම පිරිස ගාලුමුවදොර දෙසට එන බවට ලද ආරංචියට ජනාධිපතිවරයා දේශබන්දු තෙන්නකෝන් මහතාගෙන් කළ විමසීමේදී ඔහු පිළිතුරු ලබාදී ඇත්තේ අදාළ පිරිස විසුරුවා හැරීම සඳහා ජල හෝ කඳුළු ගෑස් ප්‍රහාර එල්ල නොකිරීමට තමන්ට පොලිස්පතිවරයා දැනුම්දුන් බවයි.
පසුව “තමුසෙට මමයි කියන්නේ, මම රටේ ජනාධිපති. වහාම ඕක නවත්වනවා” යැයි ජනාධිපතිවරයා දේශබන්දු තෙන්නකෝන් මහතා හට නියෝග කළ බව රමේෂ් පතිරණ මහතා පාර්ලිමේන්තුව අමතමින් සඳහන් කළා.
මීට අදාළ දර්ශන පහතින්,
