කෘෂිකර්ම රාජ්‍ය අමාත්‍ය ශෂින්ද්‍ර රාජපක්ෂ මහතා ගමන් ගත් ලෑන්ඩ්කෲසර් ( v8 ) වර්ගයේ සුඛෝපභෝගී ජීප් රථයක් බිබිල – මැදගම – ඔබ්බේගොඩ පුබ්බාර ඔය හරහා ඇති සපත්තු පාලමක් මතින් ගමන් කරද්දී එකවර ජල පහරකට හසුවී ගසා ගෙන ගොස් තිබෙනවා.
එම අවස්ථාවේදී ප්‍රදේශවාසීන් ඇතුළු පිරිස මැදිහත් වී අමාත්‍යවරයා ගමන්ගත් වාහනය බේරාගෙන ඇති අතර අනතුරින් ඇමැතිවරයාට හෝ රථයේ ගමන්ගත් කිසිවකුටත් තුවාල සිදුව නොමැතිබවයි වාර්තා වන්නේ.
පවතින අධික වර්ෂාවත් සමඟ පුබ්බාර ඔයේ ජලමට්ටම ඉහළ ගොස් ඇති අතර සපත්තු පාලමෙන් රථය ගමන් කරන අවස්ථාවේදී මෝටර් රථය සමග ඇමැතිවරයා ගසාගෙන ගොස් තිබෙනවා.
පෙර දින පස්වරුවේ (21) බිබිල – මැදගම ප්‍රදේශයේ පැවැති උත්සව කීපයකට සහභාගී වී ආපසු මොණරාගල දක්වා ගමන් කරමින් සිටියදී අමාත්‍යවරයා මෙලෙස අනතුරට ලක්වුණා.
