සමාජ ක්‍රියාකරුවෙකු වන ශෙහාන් මාලක මහතාව අද (14) දින හදිසියේම අත්අඩංගුවට ගෙන තිබෙනවා.
ඔහු විසින් සමාජ මාධ්‍යට නිකුත් කළ වීඩියෝවකට අනුව සුදු වෑන් රථයකින් පැමිණි අපරාධ පරීක්ෂණ දෙපාර්තුමේන්තුවේ නිලධාරීන් පිරිසක් මෙම අත්අඩංගුවට ගැනීම සිදුකර ඇති අතර ඊට හේතුවක්ද නොදැන්වූ බවයි එම වීඩියෝවේදී ඔහු පවසන්නේ.
එමෙන්ම පොලිස් නිලධාරීන් විසින් ඔහුගේ එම දුරකථනයද භාරයට ගැනීමට උත්සහ දරන අයුරුද එහි දැක්වෙනවා.
මීට පෙර අවස්ථා කිහිපයකදිම අපරාධ පරීක්ෂණ දෙපාර්තමේන්තුව විසින් ශෙහාන් මාලක මහතාගෙන් ප්‍රශ්න කිරීම් සිදුකර තිබෙනවා.
මේ සම්බන්ධයෙන් News19 පොලිස් මාධ්‍ය ප්‍රකාශක නිහාල් තල්දූව මහතාගෙන් සිදුකළ විමසීමකදී ඔහු සදහන් කළේ ශෙහාන් මාලක මහතා පැවැත්වූ ප්‍රවෘත්ති සාකච්ඡාවක් සම්බන්ධයෙන් විභාග වන නඩුවක උදෘතවලට අදාළව ඔහුව අත්අඩංගුවට ගන්නැයි නීතිපතිවරයා නියෝග කර ඇති බවයි.
මේ අතර, එළැඹෙන බ්‍රහස්පතින්දා (17) අපරාධ පරීක්ෂණ දෙපාර්තමේන්තුව හමුවේ පෙනී සිටින්නැයි සමාජ මාධ්‍ය ක්‍රියාකාරී මනෝරම විරසිංහ මහතාට කැදවීමක් කර තිබෙනවා.
ඒ් සමාජ මාධ්‍ය සම්බන්ධයෙන් සිදුකෙරෙන විමර්ශනයකට අදාළව ප්‍රකාශයක් සටහන් කරගැනීමට බවයි මේ වන විට වාර්තා වන්නේ.
