අදට යෙදෙන මහා ශිවරාත්‍රී දිනය වෙනුවෙන් ජනාධිපති ගෝඨාභය රාජපක්ෂ මහතා සුබ පැතුම් එක් කළ බව රජයේ ප්‍රවෘත්ති දෙපාර්තමේන්තුව නිවේදනය කරනවා.
එම නිවේදනයේ දැක්වෙන්නේ ශිව දෙවියන්ගේ මංගල්‍යය සංකේතවත් කරන විශ්වාසයන් සමස්ත ලෝකවාසී ජනතාව තුළ ආධ්‍යාත්මික පිබිදීමක් ඇති කරවන අතර අවංක බව, ත්‍යාගශීලී බව සහ සමාව දීම යන සත්‍යවාදී ගුණාංගයන් අනුව ජීවත්වීමට ආරාධනා කරන බවයි.
එමෙන්ම මහා ශිව රාත්‍රියේ ආධ්‍යාත්මික පණිවුඩය එකිනෙකා අතර සාමූහික බව තවදුරටත් ශක්තිමත් කරනු ලබන බවද ජනාධිපතිවරයා සදහන් කරනවා.
රජයේ ප්‍රවෘත්ති අධ්‍යක්ෂ ජනරාල්වරයා ඇතුළු සමස්ත කාර්‍ය මණ්ඩලයම සුබ පතා ඇත්තේ දීපවාලී දිනයට වීම විශේෂත්වක්.
කෙසේවෙතත් එම සටහන රජයේ ප්‍රවෘත්ති දෙපාර්තමේන්තුවේ නිල ෆේස්බුක් පිටුවෙන් මේ වන විට ඉවත්කරගෙන තිබෙනවා.
