ගම්පහ ප්‍රදේශයේදී අද (15) රාත්‍රී 8 ට පමණ වෙඩි තැබීමක් සිදුව ඇති බව පොලීසිය පවසනවා.
එම ප්‍රදේශයේ බස් නැවතුම්පොල අසලදී යතුරු පැදියකින් පැමිණි පුද්ගලයින් දෙදෙනෙකු විසින් ධාවනය වෙමින් තිබූ කුඩා ලොරි රථයකට මෙම වෙඩි තැබීම සිදු කර ඇති බවයි පොලීසිය පවසන්නේ.
වෙඩිතැබීම සිදුකරන අවස්ථාවේදී කුඩා ලොරි රථයේ ගමන් කළ පුද්ගලයින් දෙදෙනා එම රථයෙන් බැස අසල තිබූ වෙළෙඳසැලකට දිව ගොස් තිබෙනවා.
වෙඩි තැබීමෙන් ඉලක්ක කර ගත් පුද්ගලයාට හානියක් සිදුවී නැති බවයි පොලීසිය සඳහන් කළේ.
වෑන් රථයට පමණක් අලාභ හානි සිදුවී ඇති අතර වෙඩි තැබීමට හේතුව මෙතෙක් අනාවරණය වී නැහැ.
සිද්ධිය සම්බන්ධයෙන් ගම්පහ මූලස්ථාන පොලීසිය වැඩිදුර විමර්ෂණ ක්‍රියාත්මක කර තිබෙනවා.
