ජනපතිගේ සහ අගමැතිගේ විදෙස් සංචාර හරහා අනවශ්‍ය ආකාරයට රාජ්‍ය මුදල් අවභාවිත වෙනවානම් පෙන්වා දෙන ලෙස සම කැබිනට් ප්‍රකාශක අමාත්‍ය ඩලස් අලහප්පෙරුම මහතා අභියෝග කර සිටිනවා.
අද (14) රජයේ ප්‍රවෘත්ති දෙපාර්තමේන්තුවේදී පැවති ප්‍රවෘත්ති සාකච්ඡාවේදී අමාත්‍ය ඩලස් අලහප්පෙරුම මහතා පැවසුවේ අගමැතිවරයා ඉතාලි සංචාරයට එක්වූයේ විදේශ සංවිධානයක ඉල්ලීමට බවයි.
එමෙන්ම, ජනපතිගේ එක්සත් ජාතීන්ගේ සමුළුව ඇමතීමේ ඇමරිකානු සංචාරයටද එක්වන්නේ අවම පිරිසක් බවත් ඔහු පෙන්වා දෙනවා.
මෙවැනි අවස්ථාවක ආර්ථිකය මැනවින් කළමණාකරණය කර රටට බරක් ඇතිනොවන ආකාරයට විදෙස් සංචාර වල නිරත වීම කාගෙත් වගකීමක් බවත් පසුගිය වසර එක හමාරක කාලය තුළ කැබිනට් ඇමතිවරුන් දෙදෙනෙකු හෝ විදේශ ගත වී නොමැති බවත් සියළුම සාකච්ඡා නූතන තාක්ෂණය ඔස්සේ සිදුකර ඇති බවත් ඔහු පවසනවා.
එබැවින් මෙම සංචාර හරහා රටක් ලෙස අවාසියක් නොමැති බවත් ඔහු අවධාරණය කර සිටිනවා.
