වාරියපොළ ප්‍රාදේශීය සභාව 2022 වසර සදහා ඊයේ (12) දින ඉදිරිපත් කළ අයවැය පරාජයට පත්වූ බව වාර්තා වනවා.
සභාපති ඩී.එම්.ටී. බී. දිසානායක මහතා විසින් මහ සභාවට අයවැය ඉදිරිපත් කළ අයවැයට එරෙහිව ආණ්ඩු පක්ෂයේ වන ශ්‍රී ලංකා පොදුජන පෙරමුණ නියෝජනය කරන ප්‍රාදේශීය සභාවේ උප සභාපති අනුර සුදර්ශණ මහතා ඇතුලු එම පක්ෂයේ මන්ත්‍රීවරුන් කිහිප දෙනකුම සිය අදහස් ප්‍රකාශ කරන ලදි.
මෙහිදී ජනතා විමුක්ති පෙරමුණ සහ ශ්‍රී ලංකා නිදහස් පක්ෂය අයවැය යෝජනාව සදහා ඡන්දයක් ඉල්ලා සිටි අතර සභාපති වරයාගේ පිළිතුරු කතාවෙන් අනතුරුව මන්ත්‍රීවරුන්ගේ නමින් ඡන්දයක් විමසූ අතර එහිදී අයවැය යෝජනාවට පක්ෂව ඡන්ද 18 කුත් යෝජනාවට විරුද්ධව ඡන්ද 21 කුත් ලැබී තිබිණ.
වාරියපොල ප්‍රාදේශීය සභාවේ සංයුතිය වනුයේ ශ්‍රී ලංකා පොදුජන පෙරමුණ මන්ත්‍රීවරු 23, එක්සත් ජාතික පක්ෂය 12, ශ්‍රී ලංකා නිදහස් පක්ෂය 03, ජනතා විමුක්ති පෙරමුණ 02 ශ්‍රී ලංකා මහජන පක්ෂය 01 වශයෙනි.
